දවසේ සිතුවිල්ල
පුද්ගලයන් දෙදෙනෙක් ඉන්නවා තට්ටු 20 ක ගොඩනැගිල්ලක පඩිපෙලක් නගින්න..එක්කෙනෙක් පඩි අතහැර අතහැර දුවමින් පඩිපෙල නගිනවා..අනිත් කෙනා පිලිවෙලට පඩියෙන් පඩිය නගිනවා...බලන්න මේ දෙන්නාගෙන් කාටද ඉලක්කයට ලගා වෙන්න පුලුවන් කියලා..පඩි අතහැර අතහැර දුවන කෙනා ඉක්මනටම හති වැටෙනවා..හති වැටෙනවා කියලා දැන දැනත් එයා දුවනවා..හොදටම බැරි වුනාම තමා එයා නවතින්නේ..මට මෙහෙම කරොත් මේ දේ කරන්න බැරිවෙනවා කියලා එයාට තේරෙන්නේ හොදටම හති වැටුනාම..පිලිවෙලට යන කෙනා මොන බාධක ආවත් පාඩුවේ තමන්ගේ ගමන ගිහිල්ලා ඉලක්කයට ලගා වෙනවා..
අපි ධර්මය ඉගෙන ගෙන එය ප්‍රගුන කරන්න ඕනෙත් මේ පිලිවෙලට..අපිට පිලිවෙලක් නැතිව ඉක්මන් ප්‍රතිපල හොයන ක්‍රම හම්බවෙන්න... පුලුවන්..අපිව නොමග යවන සිතුවිලි,අසත්පුරුෂ මිතුරන් මුනගැහෙන්න පුලුවන්.අපේ සිත තුලින් අපිව ඉක්මන් කරවන මාන්නය,උඩගුකම, වැනි දේ ඉස්මතු වෙන්න පුලුවන්,, මේ දේවල් එක්ක අපි ගියොත් අපි අර පඩිපෙලේ දුවපු කෙනා වගේ හතිවැටෙනවා..හති නොවැටෙන්න මොකද කරන්න ඕනේ..අපිත් පිලිවෙලට ධර්ම මාර්ගය ප්‍රගුන කරන්න ඕනේ..මොහොතක් පසා යම් දේයකින් ඇතිවන මාන්නය,උඩගුකම,ආඩ්මබරය වැනි අකුසල් දුරුකර,උපේක්ෂාව වැනි කුසලයන් සැමවිටම ජිවිතයට බද්ධ කර ගත යුතුයි..නැතිනම් කුසලය කියා ඔබව නොදැනිම අකුසලයටයි ඇදි යන්නේ..එක හරියට පඩිපෙලේ දුවපු පුද්ගලයාට තමා යම් දුරක් ගියවිට හති වැටෙනා බව මුලින් නොදැනුනා සේ ඔබත් මදක් දුර ගියවිට හැති වැටේවි..
තෙරුවන් සරණයි..
No comments:
Post a Comment